Á sjötta tímanum í gær var einn handtekinn í Miðborginni en hann hafði haft í hótunum við annað fólk og ástand hans var ekki upp á marga fiska. Hann var vistaður í fangageymslu.
Á sjöunda tímanum í gær var tilkynnt um innbrot í heimahús í Miðborginni. Þaðan var stolið tölvubúnaði.
Á áttunda tímanum var mjög ölvaður maður handtekinn í verslun í Miðborginni. Hann var mjög viðskotaillur og endaði í fangaklefa.
Í Grafarvogi var tilkynnt um eignaspjöll í fjölbýlishúsi á áttunda tímanum í gærkvöldi. Fyrrum leigjandi er grunaður í málinu.
Um klukkan 21 kom maður að tveimur mönnum sem voru að stela verkfærum úr bifreið hans. Þeir komust undan með þýfið.
Einn ökumaður var handtekinn í gærkvöldi grunaður um að hafa ekið undir áhrifum fíkniefna. Hann reyndist einnig vera sviptur ökuréttindum.
