fbpx
Sunnudagur 02.febrúar 2025
Fréttir

Aðgerðir gífurlega hertar – Skilyrði sett fyrir einkasamkvæmum og 50 manna fjöldatakmörk gilda bæði inni og úti

Ritstjórn DV
Föstudaginn 12. nóvember 2021 12:36

Svandís Svavarsdóttir

Ekki missa af Helstu tíðindum dagsins í pósthólfið þitt

Lesa nánar

Svandís Svavarsdóttir, heilbrigðisráðherra, hefur í samræmi við tillögur Þórólfs Guðnasonar, sóttvarnarlæknis, hert sóttvarnaaðgerðir til muna til að sporna við hraðri útbreiðslu COVID-19 á Íslandi. Aðgerðirnar taka gildi á miðnætti.

Helstu breytingar eru þær að almennar fjöldatakmarkanir verða 50 manns, sem fela í sér að óheimilt er að fleiri en 50 komi saman, alveg sama hvort um sé að ræða vettvang innan- eða utandyra í opinberum rýmum eða í einkarýmum.  Börn fædd 2016 eða síðar teljast ekki með.

Nálægðarmörk verða 1 metri milli ótengdra aðila og ef ekki er hægt að tryggja það þá ber að nota grímu. Þrátt fyrir það mega íþróttir með snertingu áfram eiga sér tað hjá börnum og fullorðnum og leikskólabörn sem og nemendur í 1-4. bekk í grunnskóla eru undanþegin eins metra reglu.

Fjölmennir viðburðir fyrir allt að 500 manns í hverju sóttvarnahólfi verða áfram heimilir með notkun hraðprófa. Allir fæddir 2015 og fyrr verða að framvísa neikvæðri niðurstöðu úr hraðprófi sem ekki má vera eldra en 48 klst. Ef ekki er hægt að tryggja 1 metra á milli gesta skal bera grímu, nema um sé að ræða börn fædd 2006 eða síðar. Skylt er að skrá gesti í föstum sætum með nafni, kennitölu og símanúmeri og óheimilt er að selja veitingar í hléi.  Undanþága frá 1 metra reglu og grímuskyldu er veitt skólaskemmtunum með hraðprófum í grunn- og framhaldsskólum.

Sund-, baðstaðir, líkamsræktarstöðvar og skíðasvæði mega taka á móti 75% af leyfilegum hámarksfjölda gesta samkvæmt starfsleyfi. Börn fædd 2016 eða síðar teljast ekki með.

Veitingastaðir þar sem selt er áfengi skulu loka klukkan 23:00 og ekki hleypa inn nýjum gestum eftir 22:00. Gestir skulu vera farnir á slaginu 23:00. Vínveitingar skulu aðeins bornar fram til sitjandi gesta og skylt er að halda skrá yfir gesti.

Einkasamkvæmi á stöðum með vínveitingaleyfi eru bönnuð eftir klukkan 23:00.

Í verslunum og söfnum gilda almennar reglur um 50 manna fjöldatamörk, eins metra reglu og grímuskyldu. Heimilt er að taka á móti fimm viðskiptavinum til viðbótar á hverja 10 fermetra en þó aldrei með fleirum en 500 að hámarki.

50 manna takmörkin gilda einnig í skólastarfi fyrir börn fædd 2015 og fyrr. Börn fædd 2006 og síðar eru undanþegin grímuskyldu.  Nemendum og kennurum í framhaldsskólum er heimilt að taka niður grímu eftir að sest er niður inni í skólastofu og blöndun hópa í skólastarfi er heimil á öllum skólastigum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Borgaði 5.720 krónur fyrir miðborgarbakkelsi sem smakkaðist ekki sem nýtt – Klassíski blái gúmmíhanskinn gerði útslagið

Borgaði 5.720 krónur fyrir miðborgarbakkelsi sem smakkaðist ekki sem nýtt – Klassíski blái gúmmíhanskinn gerði útslagið
Fréttir
Í gær

Hætta á snjóflóðum á suðvestanverðum Vestfjörðum – Hugsanlega rýmt

Hætta á snjóflóðum á suðvestanverðum Vestfjörðum – Hugsanlega rýmt
Fréttir
Í gær

Reyndi að koma sér undan því að gera að fullu upp við fyrrverandi eiginkonu sína

Reyndi að koma sér undan því að gera að fullu upp við fyrrverandi eiginkonu sína
Fréttir
Fyrir 2 dögum

Hryllingur á göngustíg – Sigmar nauðgaði stúlku sem féll í yfirlið

Hryllingur á göngustíg – Sigmar nauðgaði stúlku sem féll í yfirlið
Fréttir
Fyrir 2 dögum

Kristinn Rúnar fékk loksins greiningu eftir sjö ára þrautagöngu – „Líkaminn var bókstaflega að öskra á hjálp“

Kristinn Rúnar fékk loksins greiningu eftir sjö ára þrautagöngu – „Líkaminn var bókstaflega að öskra á hjálp“
Fréttir
Fyrir 2 dögum

Ljósleiðari rofnað í tvígang í Húnavatnssýslum á skömmum tíma – Þungar áhyggjur

Ljósleiðari rofnað í tvígang í Húnavatnssýslum á skömmum tíma – Þungar áhyggjur
Fréttir
Fyrir 2 dögum

Raskanir á flugi Icelandair vegna veðurs – 30 ferðum frá landinu aflýst

Raskanir á flugi Icelandair vegna veðurs – 30 ferðum frá landinu aflýst
Fréttir
Fyrir 2 dögum

Segir að Inga Sæland þurfi að passa sig: „Derringur er sjaldnast af hinu góða“

Segir að Inga Sæland þurfi að passa sig: „Derringur er sjaldnast af hinu góða“