Kona nokkur vakti nýverið mikla athygli á samfélagsmiðlinum TikTok fyrir myndbönd sem hún deildi á miðlinum. Í myndböndunum sem um ræðir segir konan frá afar misheppnuðu kynlífi sem hún stundaði með manni sem hún kynntist í gegnum stefnumótasmáforritið Tinder.

„Ég ætlaði að taka þessa sögu með mér í gröfina,“ segir konan í fyrsta myndbandinu sem hún birti um atvikið en ljóst er að fjölmargir hafa haft áhuga á sögunni. Rúmlega 28 milljón manns hafa horft á myndbandið og milljónir hafa einnig horft á hin myndböndin um atvikið.

@thicclipssmoke##stitch with @goodluckkarly please nobody I know watch this 😅 ##IKnowWhatYouDid ##ForYouPizza ##TreatiestCupContest ##fyp ##viral♬ original sound – thicclipssmoke

„Þetta er það vandræðalegasta sem hefur komið fyrir mig í kynlífi,“ segir konan en um var að ræða fyrsta (og reyndar eina) stefnumótið með þessum manni. Þau höfðu aldrei hist áður en ákváðu að hittast heima hjá henni og stunda saman kynlíf. „18 ára ég bauð ríkum hvítum strák sem ég fann á Tinder heim til mín, ég hafði aldrei hitt hann áður. Það var mjög heimskulegt, ég var mjög léleg í lífinu á þessum tíma.“

„Ég kúkaði á mig“

Þá segir konan frá því sem gerðist á meðan þau stunduðu kynlíf. „Við erum að gera það, það var bara eitthvað, ekki frábært en ekki slæmt, þið vitið. En svo öskraði hann af öllum lífs og sálar kröftum og grípur í fótinn sinn,“ segir hún en á þeim tíma hélt hún að maðurinn væri að fá krampa.

Á meðan hann heldur utan um fótinn sinn, öskrandi á fullu, byrjar hún að finna lykt af einhverju og hugsar þá hvað það gæti verið. Í fyrstu hélt hún að lyktin kæmi úr kattasandinum í herberginu hennar. „Þetta lyktaði eins og fokking kúkur,“ segir hún. „Þá horfir hann á mig og segir: Ég kúkaði á mig. Ég spurði hann þá hvað hann væri að meina og hann sagði: Já, í rúminu þínu.“

Þurfti að þrífa rúmið sjálf

Eftir þetta spurði maðurinn hvort hún væri með handklði því hann vildi fara í sturtu. „Þetta var í fyrsta skiptið sem ég hitti þennan strák á ævi minni. Ég næ í handklæði handa honum og fer í stofuna að bíða… ég hugsaði að hann myndi fara eftir sturtuna.“

Konan skildi eftir ruslapoka fyrir óhreinu rúmfötin í herberginu og bjóst við að hann myndi sjá sjálfur um að taka af rúminu og þrífa. „Það gerðist ekki… ég þurfti að klæða mig í hanska og þrífa þetta sjálf.“

Ætlaði ekki að fara

Það sem kom konunni svo á óvart var að maðurinn ætlaði ekki að fara eftir sturtuna. „Hann kemur úr sturtunni, klæðir sig… og sest svo við hliðina á mér í sófanum og spyr mig hvort við ætlum að reykja.“

Konan sagði þá við hann að hann ætti að fara út þar sem hann hafði kúkað í rúmið hennar. Að lokum fór hann út en konan tók eftir því að hann blokkaði hana strax á Tinder eftir þetta. „Hann hlýtur að hafa blokkað mig um leið og hann fór út því ég fór að sjálfsögðu beint inn á Tinder til að taka skjáskot af aðgangnum hans svo ég gæti gert stólpagrín að honum.“