Múmínsnáði ásamt grallaranum Míu litlu. Myndir/Atli Þór Hafsteinsson
Líf og fjör var í Norræna húsinu þegar sjálfur Múmínsnáði og Mía litla heimsóttu barnabókahátíðina Saman úti í Mýri. Höfðu vinirnir ætlað að heimsækja Ísland í fyrra, til þess að fagna stórafmælinu sínu þegar þessar elskuðu bókmenntapersónur urðu 75 ára.
Heimsóknin frestaðist um ár en vakti engu að síður mikla lukku hjá gestum á öllum aldri. Múmínsnáði var öllu hógværari en vinkona hans hún Mía litla sem lék á alls oddi eins og sjá má á skemmtilegum ljósmyndum Atla Þórs Hafsteinssonar, hirðljósmyndara Mýrinnar.
Þá voru fleiri frábærir viðburðir á dagskrá yfir hátíðina og nóg um að vera fyrir fagmenn innan barnabókabransans, skólahópa og fjölskyldur.
Málstofugestir Mýrinnar gengu um borgina í blíðskaparveðri ásamt höfundum bókarinnar Reykjavík barnanna.
Erfitt var að hrífast ekki með Múmínsnáða og Míu litlu.Fjöldi vinnustofa var í boði fyrir börn og fjölskyldur.Allir brostu sínu blíðasta.Mía litla og Múmínsnáði ferðast um heiminn til að gleðja jafnt börn sem fullorðna.Teiknarar frá Íslenska myndasögusamfélaginu héldu fyrirlestur fyrir unglinga.Fjöldi fólks lagði leið sína í Norræna húsið til að njóta menningar og taka þátt í smiðjum.
Erling Kjærbo, yfirbókavörður Norræna hússins fékk mynd af sér með félögunum úr Múmíndalnum. Þá var einnig bleikur dagur hjá starfsfólki hússins og Erling því í sínu fínasta pússi.
Ragnhildur með skýr skilaboð – „Það tekur tíma að fella grímuna alveg en það er þess virði fyrir aukið sjálfstraust, sterkari sjálfsmynd, betri heilsu“
