Í október á síðasta ári kostaði eitt kíló af hrákaffi sem svarar til tæplega 400 íslenskra króna.  Síðan þá hefur verðið bara hækkað og hækkað og það mun kannski halda áfram að hækka næstu árin.

E24 skýrir frá þessu. Fram kemur að verðið á kaffi hafi ekki verið hærra í tíu ár. Fyrir átján mánuðum kostaði kíló af hrákaffi sem svarar til um 360 íslenskra króna en það var eitt lægsta verðið síðustu 15 ár. Í dag kostar eitt kíló sem svarar til um 750 íslenskra króna.

Í nýjustu skýrslu bandaríska landbúnaðarráðuneytisins um kaffi kemur fram að framleiðslan á þessu ári verður minni en neyslan. Það þýðir einfaldlega að eftirspurnin er meiri en framboðið og af þeim sökum mun verðið hækka.

Marcelo Brussi, kaffiinnflytjandi, sagði í samtali við ástralska miðilinn ABC News að þetta ástand geti varað næstu þrjú árin. Framleiðslan í Brasilíu hafi minnkað um fjórðung og það muni hafa áhrif um allan heim. Hann sagði einnig að kaffiræktendur hafi sagt honum að þetta ástand geti varað í allt að þrjú ár.