Raunveruleikastjarnan Kourtney Kardashian og trommarinn Travis Barker eru trúlofuð. E! News greinir frá.
Kourtney birti mynd af sér og Travis standa á strönd og í kringum þau eru hundruðir rauðra rósa og kerti. Með myndinni skrifar hún: „Að eilífu.“
View this post on Instagram
Kourtney og Travis hafa verið vinir um langt skeið, og fyrstu sögusagnir um samband þeirra komu fyrst í mars 2019. Þá gekk sá orðrómur að þau væru að stinga saman nefjum en ekkert meira varð úr því. Í janúar byrjuðu sögusagnirnar að fara aftur á kreik og var sagt að þau hefðu byrjað saman í desember 2020 Þau opinberuðu sambandið í febrúar 2021 og hafa síðan þá verið ófeimin að deila því með heiminum hversu mikið þau elska hvort annað.
Sambandi þeirra hefur einnig fylgt drama. Kourtney og Travis eiga bæði börn úr fyrra sambandi. Kourtney á þrjú börn með fyrrverandi eiginmanni sínum Scott Disick. Travis á tvö börn með fyrrverandi eiginkonu sinni Shanna Moakler. Shanna og Travis voru gift á árunum 2004 til 2006.
Bæði Shanna og Scott virðast vera ósátt með sambandið. Shanna hefur látið í sér heyra og kallað hegðun parsins furðulega.
Sjá einnig: Nýja kærastan og fyrrverandi eiginkonan fara í hart á Instagram
Einkaskilaboð Scott um parið voru opinberuð í ágúst og olli það talsverðu fjaðrafoki sem endaði með því að kærasta Scott, fyrirsætan Amelia Hamlin, hætti með honum.
Sjá einnig: Tvítuga kærastan fékk nóg – Í sundur eftir að umdeildu skilaboðin fóru í dreifingu