Tveir menn hafa leikið þann ljóta leik undanfarið að sækja sér FB-vini undir fölskum aðgöngum og herja síðan á fólk með viðurstyggilegum símtölum og skilaboðum. Meðal þeirra sem hafa orðið fyrir barðinu á níði mannanna eru trans fólk og hommar. Einnig fatlað fólk, að sögn ungs manns sem DV ræddi við, en vinur hans, sem er hommi, kærði þetta áreiti til lögreglu í dag:

„Þeir voru að hóta honum að drepa hann og koma og berja hann. Þeir sögðu við hann að allir hommar væru barnaníðingar,“ segir ungi maðurinn í samtali við DV. Hann hefur undir höndum skjáskot og upptökur af áreitni mannanna sem lögregla fær í hendur fyrir væntanlega rannsókn sína á málinu.

Mennirnir notast við auðkenni erlendra mormóna sem búa á Íslandi og breiða út trú sína hér. Að sögn unga mannsins sem DV ræddi við notast þeir við að minnsta kosti 15 falska aðganga. „Þetta er brútal dæmi, þeir voru að hóta því að drepa vin minn í nótt, þetta er klárlega mál sem þarnast umræðu,“ segir ungi maðurinn ennfremur.

Fram kemur í samtali við manninn að áreitið hefur meðal annars átt sér stað um miðjar nætur.

Að sögn unga mannsins hafa mennirnir líka verið með viðurstyggilegt áreiti við fatlað fólk. Hann gerði þetta að umtalsefni á Facebook-síðu sinni og þar blandaði Annþór Karlsson, athafnamaður, sér í umræðurnar og sagði: „Ég sendi skilaboð á þessar hetjur, sjáum hvort það virki, ég þoli ekki svona aumingjaskap“. Sendi Annór eftirfarandi skilaboð á mennina: