Steypa og malbik og lítill gróður valda því að hitinn í þéttbýlum borgum og bæjum verður hærri en ella. Frá því á níunda áratug síðustu aldar hefur tilvikum þar sem fólk er í hættu vegna banvæns hita í borgum fjölgað mikið og nú býr um fjórðungur jarðarbúa við aðstæður þar sem slíkir hitar geta orðið.

Þetta eru niðurstöður nýrrar rannsóknar. The Guardian skýrir frá þessu. Fram kemur að vísindamenn vari við þessari þróun sem er afleiðing af hækkandi hitastigi og fjölgunar íbúa í borgum og bæjum. Þeir segja að þetta geti orðið fólki að bana.

Á síðustu áratugum hafa mörg hundruð milljónir manna flutt úr dreifbýli í þéttbýli og nú býr rúmlega helmingur mannkyns í borgum. Þar er mikið af steypu og malbiki sem binda hita og hækka hann. Þess utan er yfirleitt lítið um gróður og því verður hitinn yfirleitt hærri en í dreifbýli.

Í rannsókninni var kafað ofan í innrauður gervihnattarmyndir og gögn yfir hámarkshita og raka í rúmlega 13.000 borgum á árunum 1983 til 2016 til að leggja mat á hversu margir upplifðu daga þar sem hitinn fór yfir 30 gráður og var þá búið að taka rakastig með í reikninginn.

Niðurstöðurnar eru frá 1983 til 2016 hafi þeim sem búa við slíkar aðstæður fjölgað mikið en fjöldinn hafði þrefaldast.