fbpx
Þriðjudagur 16.júlí 2024
Pressan

15 ára stúlka lést af völdum COVID-19 daginn sem hún átti að fá bóluefni

Kristján Kristjánsson
Þriðjudaginn 5. október 2021 18:30

Stökkbreytt kórónuveira. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Jorja Halliday, 15 ára stúlka frá Portsmouth á Englandi, lést af völdum COVID-19 daginn sem hún átti að fá bóluefni gegn kórónuveirunni. Þetta segir fjölskylda hennar en Jorja lést á Queen Alexandra sjúkrahúsinu á þriðjudag í síðustu viku, fjórum dögum eftir að hún greindist með COVID-19.

The Guardian hefur eftir móður hennar, Tracey Halliday, að Jorja hafi verið „yndisleg stúlka“, vinmörg og hæfileikarík í kickboxi og góð þegar kom að tónlist. „Hún var mjög virk, henni fannst gaman að fara út og eyða tíma með vinum sínum og systkinum sínum. Hún óx og breyttist í fallega unga konu sem var alltaf reiðubúin til að hjálpa öðrum, var alltaf til staðar fyrir alla. Þetta er svo sárt því börnin eiga að lifa foreldra sína og ég get ekki jafnað mig á þessu,“ sagði Tracey.

Hún sagði að Jorja hafi ekki glímt við neina undirliggjandi sjúkdóma. Hún hefði fengið einkenni sem minntu á flensu og hafi farið í PCR-próf sem sýndi jákvæða niðurstöðu. Hún hafi þá farið í einangrun á heimili sínu. Á sunnudeginum átti hún erfitt með að koma mat niður og á mánudeginum gat hún ekki borðað því hún var með svo mikla hálsbólgu. Læknir lét hana hafa sýklalyf en heilsu hennar hrakaði og læknir var kallaður til og lét flytja hana á sjúkrahús þar sem hjartsláttur hennar var tvöfalt hraðari en hann átti að vera.

Tracey sagðist hafa fengið að vera hjá henni, halda í hönd hennar og faðma því læknar hafi áttað sig á hversu alvarlegt ástand hennar var. Hún var sett í öndunarvél en ekki tókst að ná stjórn á hjartslættinum og að lokum gafst hjartað upp og hún lést.

Bráðabirgðaniðurstaða krufningar bendir til að hún hafi látist af völdum bólgu í hjarta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Það er farið að hægja á snúningi innri kjarna jarðarinnar – Það gæti breytt daglengdinni

Það er farið að hægja á snúningi innri kjarna jarðarinnar – Það gæti breytt daglengdinni
Pressan
Fyrir 3 dögum

Er sársaukaþröskuldur kvenna hærri en karla?

Er sársaukaþröskuldur kvenna hærri en karla?
Pressan
Fyrir 4 dögum

Skammbyssur sem Napóleon ætlaði að skjóta sig með seldust fyrir 255 milljónir

Skammbyssur sem Napóleon ætlaði að skjóta sig með seldust fyrir 255 milljónir
Pressan
Fyrir 4 dögum

Var á dauðaganginum í 45 ár – Vonast nú til að hreinsa nafn sitt

Var á dauðaganginum í 45 ár – Vonast nú til að hreinsa nafn sitt
Pressan
Fyrir 5 dögum

Hyggjast verðlauna aðflutta með milljónum

Hyggjast verðlauna aðflutta með milljónum
Pressan
Fyrir 5 dögum

Ítalskur bær neyðist til að vísa ferðamönnum á brott vegna vatnsskorts

Ítalskur bær neyðist til að vísa ferðamönnum á brott vegna vatnsskorts
Pressan
Fyrir 6 dögum

Banki þvingaði fólk til að kaupa óþarfa tryggingar, stofnaði yfirdátt í þeirra óþökk, færðu til peninga og sendu þeim óumbeðin greiðslukort

Banki þvingaði fólk til að kaupa óþarfa tryggingar, stofnaði yfirdátt í þeirra óþökk, færðu til peninga og sendu þeim óumbeðin greiðslukort
Pressan
Fyrir 6 dögum

Prestur barði eiginkonu sína fyrir að vera heppin

Prestur barði eiginkonu sína fyrir að vera heppin