Fólk sem vill stofna fjölskyldu getur í framtíðinni látið frysta egg, sæði og fósturvísa í allt að 55 ár en fram að þessu hefur að hámarki mátt frysta þetta í 10 ár. Þetta er meðal breytinga sem breska ríkisstjórnin hyggst gera á lögum um þetta.

The Guardian segir að ráðherrar ríkisstjórnarinnar hafi sagt að breytingin sé nauðsynleg vegna þess að fólk kjósi að eignast börn síðar á ævinni en áður var og þetta létti þrýstingi af þeim sem þurfa á aðstoð að halda við barneignir þannig að fólki finnist ekki að það þurfi að byrja of snemma á ferlinu.

Samkvæmt nýju lögunum verður að spyrja fólk, sem lætur frysta sæði, egg og fósturvísa, á 10 ára fresti hvort það vilji halda þeim i frysti. Ekki má geyma þetta í meira en 55 ár.