fbpx
Sunnudagur 06.apríl 2025
Pressan

Vinsæll hægrisinnaður fjölmiðlamaður og bóluefnaandstæðingur lést af völdum COVID-19

Kristján Kristjánsson
Þriðjudaginn 10. ágúst 2021 05:59

Dick Farrel. Skjáskot/YouTube

Ekki missa af Helstu tíðindum dagsins í pósthólfið þitt

Lesa nánar

Hinn hægrisinnaði útvarps- og sjónvarpsmaður Dick Farrel er látinn af völdum COVID-19. Hann var harður gagnrýnandi Anthony Fauci, helsta smitsjúkdómafræðings Bandaríkjanna, og hvatti fólk til að láta ekki bólusetja sig gegn kórónuveirunni.

Farrel lýsti Fauci sem „valdasjúkum lygalaupi“ sem væri hluti af samsæri „valdasjúkra frjálslyndra klikkhausa“ og hvatti hlustendur sína til að láta ekki bólusetja sig.

Hann skipti að sögn um skoðun varðandi bóluefnin eftir að hann smitaðist af kórónuveirunni. Hann var lagður inn á sjúkrahús vegna veikinda sinna en lést þann 4. ágúst, 65 ára að aldri. „Hann sendi mér sms og sagði mér að „fá það (bóluefnið, innsk. blaðamanns)“. Hann sagði mér að veiran væri ekkert grín og sagði: „Ég vildi að ég hefði fengið bóluefni!“,“ sagði Amy Leigh Hair, vinkona hans á Facebook.

Farrel, sem var frá New York, stýrði útvarpsþáttum í Flórída og var fréttaþulur hjá Newsmax sem er hægrisinnuð fréttastöð.

Farrel var stuðningsmaður Donald Trump og tók af miklum krafti undir samsæriskenningar um að Trump hefði tapað í forsetakosningunum vegna víðtæks kosningasvindls. Hann efaðist einnig um gagnsemi bóluefna gegn kórónuveirunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Vísindamenn standa ráðþrota – Hunangsflugur drepast í hrönnum

Vísindamenn standa ráðþrota – Hunangsflugur drepast í hrönnum
Pressan
Fyrir 2 dögum

Foreldrar handteknir eftir að hafa kvartað undan skóla dóttur sinnar

Foreldrar handteknir eftir að hafa kvartað undan skóla dóttur sinnar
Pressan
Fyrir 3 dögum

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“
Pressan
Fyrir 3 dögum

350 bjarndýrum verður slátrað í Slóvakíu eftir banvæna árás

350 bjarndýrum verður slátrað í Slóvakíu eftir banvæna árás