Síðdegis í gær fór verðmæti norska Olíusjóðsins í fyrsta sinn yfir 12.000 milljarða norskra króna. Verðmæti hans hefur aukist um 1.000 milljarða síðan um áramótin. Góður gangur á hlutabréfamörkuðum heimsins og lágt gengi norsku krónunnar eiga stóran hlut í þessum vexti sjóðsins.

VG skýrir frá þessu. í ársbyrjun 2013 var verðmæti sjóðsins 3.800 milljarðar norskra króna svo hann hefur vaxið ansi hraustlega síðan. Miðað við núverandi verðmæti hans þá á hver Norðmaður 2,4 milljónir norskra króna í sjóðnum.

Áhugasamir geta reiknað verðmætið yfir í íslenskar krónur en gengi norsku krónunnar er nú rétt rúmlega 14 íslenskar krónur.