Íslendingar hafa alla tíð haft sérstaklega gaman af erlendum nöfnum sem hljóma einkennilega á íslensku. Sem dæmi má nefna um 100 brandara Bjarna Fel um tyrkneska markvörðinn Engin sem og gleði íslenskra íþróttamanna í hvert skipti sem tékkneski sóknarmaðurinn Pavel Kuka snerti boltann.

Samfélagsmiðilinn Facebook er sannkölluð fjársjóðskista varðandi leit að slíkum nöfnum og hér deilir DV með lesendum sínum nöfnum nokkurra einstaklinga sem ættu erfitt uppdráttar hér á landi ef búferlaflutningar væru framundan.

Ein þekktasta markaðsherferð landsins er Megavika Domino’s sem er haldin reglulega allt árið um kring. Auglýsingar um tilboðsvikuna tröllríða þá öllum fjölmiðlum. Það er hætt við að brandararnir sem myndu dynja á hinni bandarísku Mega Vika yrðu nánast óbærilegir. Á móti kemur að Mega gæti eflaust haft einhverjar tekjur af því að gerast andlit herferðarinnar, nú eða fá bara lífstíðarbirgðir af kanilgotti.

Mega Vika Yrði væntanlega umsvifalaust andlit samnefndar markaðsherferðar.

Sú var tíðin að lífið var einfalt og gott. Veðrið var betra, heimurinn friðsælli og Helga Steffensen tryllti lýðinn með hliðarsjálfi sínu, Lilla Apa. Lilli Api var helsta hetja nokkurra kynslóða Íslendinga sem nú eru komnir til vits og ára. Það er því líklegt að franska þokkadísin Lili Api þyrfti að þola einhverjar háðsglósurnar fyrir að deila nafni með goðinu.

Frönsk þokkadís Lili Api ætti líklega ekki að flytjast til Íslands.

„Hvað heitir finnska hóran? Nartí Tillana“ var brandari sem fór sem eldur í sinu á sínum tíma. Það skal látið ósagt í hvað hin finnska Maija nartar en eftirnafn hennar, Typpi-Häkkinen, gerir búsetu á Íslandi nokkuð flókna.

Brosmild Hin finnska Marija-Typpi Häkkinen myndi eflaust kalla fram svipuð viðbrögð hér á landi.

Bandaríski tónlistarmaðurinn Ras Gato frá Pittsburgh í Pennylsvaníu-fylki yrði seint tekinn alvarlega hér á landi.

Úr iðrum endaþarmsins Bandaríski tónlistarmaðurinn Ras Gato.

Það sama gildir um hina indversku Pungsi Pungsi sem býr í borginni Seppa í Indlandi. Hún ætti sér ekki viðreisnar von hér á landi.

Úr iðrum endaþarmsins Bandaríski tónlistarmaðurinn Ras Gato.

Landi hennar Pikuna Pikuna ætti ekki heldur séns. Bara þegar hann myndi kynna sig á öldurhúsum bæjarins yrði hann álitinn hinn mesti dóni.

Pikuna Pikuna Indverski sjarmörinn væri talinn hinn mesti dóni á íslenska Tinder.

Hin súdanska Kukandi Manadi Almak ætti sömuleiðis erfitt uppdráttar hér á landi. Eiginmaður hennar Kuchi yrði ekki í mikið betri málum.

Allt í skít Hin súdanska Kukandi er gift Kuchi.

Þau gætu mögulega leitað sér huggunar hjá þjáningarbróður sínum, Fre Tar frá Chile.

Í stormi Fre Tar frá Chile er hress.

Í Varsjá í Póllandi býr síðan ungur drengur, líklega af taílenskum uppruna, sem heitir Kun Tan. Hann valdi að læra eðlisfræði í bandarískum háskóla, sem var líklega betra en að setjast á skólabekk í Háskóla Íslands.

Ungur og efnilegur Kun Tan er í háskólanámi í Bandaríkjunum.

Í Bochum í Þýskalandi býr glæsileg ung kona sem heitir Katharina Hornef. Hún myndi bera nafn með rentu í íslenskri flensutíð.

Katarina Ættarnafn hennar, Hornef, myndi eflaust vekja kátínu hér á landi.

Sú sem ætti erfiðast af öllum við flutning til landsins er ung, ítölsk snót og það er vegna þess að hún er nánast gangandi morðhótun. Stúlkan er frá Napólí og heitir Ariana Drepa.

Gangandi morðhótun Ariana Drepa frá Napólí yrði hugsanlega litin hornauga hér á landi.