Þeir Hörður Snævar Jónsson og Benedikt Bóas Hinriksson völdu, í sjónvarpsþættinum 433.is á Hringbraut í gær, lið fyrri hlutans í Pepsi Max-deild karla.

Í markinu stendur landsliðsmarkvörðurinn Hannes Þór Halldórsson, leikmaður Vals. Hann hefur verið virkilega öruggur í sumar.

Nýjasta stjarna okkar Íslendinga, Brynjar Ingi Bjarnason, er í vörninni. Hann hefur verið frábær með KA í sumar. Hann var verðlaunaður með sínum fyrstu A-landsleikjum í kringum síðustu mánaðarmót. Með honum í vörninni er reynsluboltinn Kári Árnason hjá Víkingi og einnig Brynjar Hlöðversson hjá nýliðum Leiknis.

Á fjögurra manna miðju er Jonathan Hendrickx, hjá KA, vinstri vængbakvörður eftir góða innkomu sína í KA-liðið. Hinum megin, í hægri vængbakverði er vindurinn sjálfur, Birkir Már Sævarsson. Á miðri miðjunni eru Pablo Punyed, hjá Víkingi og Viktor Karl Einarsson, hjá Breiðablik.

Framlínan samanstendur svo af þremur leikmönnum. Þar er hinn ungi Sævar Atli Magnússon, fyrirliði og langbesti leikmaður Leiknis. Nikolaj Hansen er einnig í liðinu eftir gott tímabil með Víkingum. Þá er Djair Partfitt-Williams líka í liðinu. Hann hefur verið besti leikmaður Fylkis í sumar.

Liðið í heild sinni (3-4-3)