Þann 23. maí síðastliðinn var Aiden Leo, sex ára, á leið í skólann. Móðir hans ók honum í skólann en á leiðinni var skotið á bíl þeirra og hæfði eitt skotið afturhluta bifreiðarinnar og lenti í Aiden sem lést. Móðir hans, Joanna Cloonan, heðyr síðustu orð sonar síns eftir dramatíska atburðarás.

Hún hafði neyðst til að víkja skyndilega þar sem bíll kom akandi á mikilli ferð og vildi ökumaður hans komast fram úr. Farþegar í þeim bíl skutu síðan á bíl Joanna. Þetta gerðist á hraðbraut nærri Yorba Linda í Kaliforníu.

Í gær skýrði lögreglan frá því að hún hefði handtekið Marcus Anthony Eriz, 24 ára, og Wynne Lee, 23 ára, vegna málsins. Þau voru handtekin á heimili þeirra í Costa Mesa.

Lögreglan í Orange County segir að parið eigi morðákæru yfir höfði sér en það sé í höndum saksóknara að taka ákvörðun um það.

We are confirming the arrest of the two suspects believed responsible for the shooting death of 6-year-old Aiden Leos. Marcus Anthony Eriz, 24, and Wynne Lee, 23, were arrested at their home in Costa Mesa.

— CHP Santa Ana (@CHPSantaAna) June 7, 2021

Lát Aiden hefur haft mikil áhrif á íbúa í Yorba Linda og hafa margir minnst hans. Fjársöfnun hefur verið hrundið af stað á GoFundMe til styrktar foreldrum hans.

Eriz og Lee voru úrskurðuð í gæsluvarðhald og var tryggingarupphæð þeirra ákveðin ein milljón dollara.

Vitni segjast hafa séð Joanna sýna hinum handteknu löngutöng eftir framúraksturinn og er það kenning lögreglunnar að í kjölfarið hafi parið skotið á bíl Joanna.

Síðustu orð Aiden sitja að vonum fast í huga Joanna: „Þegar ég byrjaði að beygja heyrði ég mjög hátt hljóð. Og sonur minn sagði: „Á!““ Hún stövaði strax og reyndi að stöðva blæðinguna og hringdi í 911 en ekki tókst að bjarga lífi Aiden.