Víkingur Ólafsvík tók á móti Þór í 5. umferð Lengjudeildar karla í dag. Jafntefli varð niðurstaðan þrátt fyrir að heimamenn hafi endað með níu leikmann inni á vellinum.
Sölvi Sverrisson kom gestunum yfir á 10. mínútu. Kareem Isiaka jafnaði fyrir Víkinga skömmu fyrir lok fyrri hálfleiks. Þór náði þó aftur forystunni fyrir leikhlé þegar Jakob Snær Árnason skoraði. Staðan í hálfleik var 1-2.
Eftir um fimm mínútur í seinni hálfleik fékk Emmanuel Eli Keke, leikmaður Víkings, rautt spjald þegar hann braut af sér sem aftasti maður. Stuttu síðar fékk Þór víti en Alvaro Montejo tókst ekki að skora úr því. 20 mínútum síðar fékk markaskorari heimamanna, Isiaka, rautt spjald. Víkingar orðnir níu gegn ellefu. Þeim tókst þó að jafna leikinn á 80. mínútu. Þar var að verki Marteinn Theodórsson. Lokatölur 2-2. Afar dapurt hjá Akureyringum að klára þennan leik ekki tveimur fleiri.
Þór er í sjöunda sæti deildarinnar með 7 stig. Víkingur er á botninum en þetta var þeirra fyrsta stig.
