Everton hefur staðfest að Carlo Ancelotti sé hættur sem stjóri liðsins og hafi skrifað undir samning við Real Madrid.
„Ég hef notið þess að vera hjá Everton en ég fékk óvænt tækifæri sem ég trúi að sé rétt fyrir mig og mína fjölskyldu,“ sagði Ancelotti.
Zinedine Zidane sagði upp störfum í síðustu viku hjá Real Madrid, hann var ósáttur með Florentio Perez forseta félagsins.
Ancelotti var stjóri Real Madrid frá 2013 til 2015 og vann meðal annars Meistaradeildina. Ancelotti stýrði Everton í eitt og hálft ár.
Samkvæmt The Athletic hefur Everton áhuga á að ráða Steven Gerrard til starfa sem var goðsögn hjá Liverpool sem leikmaður. Óvíst er hvort Gerrard væri klár í að taka við erkifjendum Liverpool. Gerrard hefur gert vel hjá Rangers í Skotlandi.
Önnur nöfn á blaði Everton eru Rafa Benitez, David Moyess, Paulo Fonseca, Erik ten Hag og Roberto Martinez. Spenandi verður að sjá hver verður næsti yfirmaður og stjóri Gylfa Þórs Sigurðssonar.
Everton can confirm that Carlo Ancelotti has left his position as manager to take up the role of Head Coach at Real Madrid.
— Everton (@Everton) June 1, 2021
