Þegar klukkan var sjö mínútur yfir sjö í kvöld átti sér stað alvarlegt umferðarslys á Vesturlandsvegi skammt norðan við Köldukvísl. Þar höfnuðu tvær bifreiðar framan á hvor annarri. Þetta kemur fram í tilkynningu frá lögreglu.
Sökum þessa er umferð um Vesturlandsveg stýrt upp á hringtorg sem liggur yfir Vesturlandsveg.
Lögregla biðlar til vegfarenda að sýna biðlund og varkárni á meðan viðbragðsaðilar athafna sig á vettvangi.
