Lokaumferðin í efstu deild Frakklands, Ligue 1, fór fram í kvöld. Hér má sjá samantekt yfir það helsta.
Lille er franskur meistari
Jonathan David kom Lille yfir á 10. mínútu á útivelli gegn Angers. Burak Yilmaz tvöfaldaði forskot þeirra rétt fyrir leikhlé. Angelo Fulgini minnkaði muninn fyrir Angers í lok leiks. Lokatölur urðu 1-2.
PSG vann 0-2 útisigur á Brest. Neymar klúðraði víti á 19. mínútu. PSG komst þó yfir á 37. mínútu þegar Romain Faivre gerði sjálfsmark. Kylian Mbappe skoraði seinna mark gestanna þegar 20 mínútur lifðu leiks.
Lille lýkur keppni með stigi meira en PSG og er franskur meistari 2021. Þetta er fyrsti Frakklandsmeistaratitill liðsins í tíu ár.
Monaco náði Meistaradeildarsæti
Monaco gerði markalaust jafntefli við Lens á útivelli. Á sama tíma tapaði Lyon heima gegn Nice. Kasper Dolberg, Hassane Kamara og William Saliba gerðu mörk Nice. Karl Toko Ekambi skoraði bæði mörk Lyon.
Úrslitin þýða að Monaco fór í undankeppni Meistaradeildarinnar. Lyon fer í Evrópudeildina.
Hér fyrir neðan má sjá hvaða lið enduðu í sætunum sem skipta máli í Ligue 1 tímabilið 2020-2021.
Meistaradeildarsæti
Lille, PSG, Monaco (Undankeppni)
Evrópudeildarsæti
Lyon, Marseille
Sambandsdeildarsæti
Rennes
Fallsæti
Nantes (Fara í umspil upp á að bjarga sæti sínu), Nimes, Dijon
