Levante tók á móti Barcelona í 36. umferð spænsku deildarinnar í dag. Leiknum lauk með 3-3 jafntefli liðanna og missir Barcelona því mikilvæg stig í toppbaráttunni.
Barcelona var með öll völd á vellinum í fyrri hálfleik og var það sjálfur Lionel Messi sem kom Börsungum yfir eftir 25. mínútur með flotti skoti innan teigs. Pedri tvöfaldaði forystu gestanna rúmum tíu mínútum síðar eftir flotta sókn. Þannig stóðu leikar í hálfleik og leit út fyrir að seinni hálfleikur yrði formsatriði fyrir Börsunga.
Á tveimur mínútum í seinni hálfleik hafði Levante jafnað leikinn með mörkum frá Melero og Morales. Dembéle tók þá málin í sínar hendur og kom Barcelona aftur yfir á 64. mínútu. Leikmenn Levante gáfust ekki upp og jafnaði Sergio León metin á 83. mínútu og þar við sat.
Þetta þýðir að Barcelona mistekst að komast á toppinn og er í 2. sæti deildarinnar, einu stigi á eftir Atlético og einu stigi á undan Real Madrid, en bæði liðin eiga leik til góða. Toppliðin á Spáni hafa keppst við að tapa stigum að undanförnu og lítur út fyrir það að liðin vilji hreinlega ekki vinna deildina.
Levante 3 – 3 Barcelona
0-1 Messi (´25)
0-2 Pedri (´34)
1-2 Melero (´57)
2-2 Morales (´59)
2-3 Dembélé (´64)
3-3 León (´83)
