Sjónvarpsþáttur 433 verður á dagskrá Hringbrautar í kvöld klukkan 20:00. Mikið hefur gengið á íslenska boltanum þessar fyrstu vikur sumarsins.

Rúnar Páll Sigmundsson sagði upp sem þjálfari Stjörnunnar í síðustu viku og kom uppsögn hans eins og þruma úr heiðskíru lofti.

Haraldur Björnsson markvörður liðsins mætir og ræðir þessa óvæntu uppsögn og framhaldið í Garðabæ.

„Þessi tíðindi komu mjög illa við mig, Rúnar frábær þjálfari sem sótti mig fyrir mörgum árum síðan. Við vorum búnir að búa til gott samband og hann var búinn styðja vel við bakið á mér,“ segir Haraldur í þætti kvöldsins.

„Yfir svona langan tíma þá myndast vinátta, menn eru búnir að vera þarna í langan tíma og það voru góð samskipti. Það var mjög leiðinlegt að sjá hann fara.“

Í síðari hlutanum kemur svo hinn umdeildi Benedikt Bóas Hinriksson og gerir upp síðustu viku í boltanum. Ekki missa af þætti kvöldsins klukkan 20:00 á Hringbraut og hér á vefnum.