Xtreme Logo á Laugavegi 163 er með áratuga reynslu í merkingum. Fyrirtækið var stofnað árið 2014 af Kristjáni Bergmann en hann hefur starfað við merkingar frá 2000. „Við erum í öllu þegar kemur að merkingum,“ segir Kristján.
„Skiltaplötur, 3D Infinity ljósaskilti, Díóðuneon, LED-NEON og LED Díóðuskilti. Díóðuskilti er ein vinsælasta gerð upplýstra skilta í dag, bæði í fram- og baklýsingu. Lág orkuþörf, góð ending og margar útfærslur í boði,“ segir Kristján.
„Við bjóðum upp á allt frá einföldum bílamerkingum upp í heilmerkingu þar sem við klæðum bíla í filmu. Það eru alskonar möguleikar í þessu. Getum gert til dæmis hvítan bíl rauðan sé dæmi nefnt,“ segir Kristján. „Við erum með mikið úrval af filmum sem eru sérstakar castfilmur og tilætlaðar til að pakka bílum inn og því margt hægt að gera. Ef það koma inn einhver sérstök verkefni er hægt að panta filmu að utan og því hægt að gera sérpantanir ef viðskiptavinir kjósa svo,“ segir hann. „Við höfum til umráða tölvuteikningar af öllum helstu bílategundum og þær eru notaðar til að hanna hugmyndir fyrir bílinn þinn,“ bætir Kristján við en Xtreme Logo er með mikla reynslu í bílamerkingum samkvæmt Kristjáni. „Auk þess klæðum við líka innréttingar en má þar einna helst nefna til dæmis: eldhús, skápa og hurðar og verslunarinnréttingar. Opnunartími Xtreme Logo er sveigjanlegur og eftir samkomulagi.
