Manchester United hefur staðfest nýjan samning Edinson Cavani við félagið, samningurinn gildir til sumarsins 2022.

„Á þessu tímabili hefur ást mín á félaginu aukist og ég átta mig betur á því hvað félagið stendur fyrir. Ég á virkilega gott samband við samherja mína og starfsliðið. Þetta kveikir í mér neista og ég veit að saman getum við afrekað stóra hluti saman,“ sagði Cavani eftir undirskrift.

„Frá fyrsta augnabliki hef ég fengið mikið sjálfstraust frá Ole Gunnar Solskjær. Sem leikmaður þá gefur þessi trú þér hið fullkomna tækifæri til þess að spila þinn besta fótbolta. Ég vil þakka honum fyrir það.“

Cavani kom til United síðasta haust á frjálsri sölu og framherjinn hefur slegið í gegn þegar hann hefur verið leikfær.

Cavani hefur raðað inn mörkum síðustu vikur en framherjinn frá Úrúgvæ er 34 ára gamall og hefur raðað inn mörkum allan sinn feril.

Nýr samningur Cavani gildir í ár til viðbótar en eftir það er talið að framherjinn haldi til Suður-Ameríku til að klára feril sinn.