Þorskhnakkar í BBQ – Lúða í spicy lemon – Langa í líbönskum búningi
Steinar Bjarki Magnússon, matreiðslumeistari og verslunarstjóri í Hlíðasmára, segir margt nýtt vera á nálinni hjá fyrirtækinu og má þar nefna einna helst nýja fiskrétti. „Nýir réttir líta dagsins ljós hjá okkur. Má þar nefna löngu í líbönskum búningi og þorskhnakka í BBQ. Auk þess erum við með frábæra chimmichuri maríneringu sem er afar góð með laxi. Og ekki má gleyma lúðu í spicy lemon sem við erum með en gaman er að segja frá því að hún sló í gegn í síðustu viku,“ segir Steinar. Við erum alltaf að bæta úrvalið hjá okkur og leggjum ávallt áherslu á hollan og góðan fisk,“ segir Steinar. Hann bætir við: „Við leggjum mikið upp úr því að hafa allt, sem við bjóðum upp á, ferskt og hollt.“
Frá opnun Hafsins hefur fyrirtækið þjónustað mötuneyti og veitingastaði á höfuðborgarsvæðinu og hefur sú starfsemi færst í aukana á síðastliðnum árum. Hafið þjónustar veitingastaði og fagaðila í matreiðslugeiranum. „Hvort sem um er að ræða einyrkja eða stór veitingahús þá sníðum við lausnirnar að hverjum og einum,“ segir Steinar. „Veitingageirinn gerir miklar kröfur og því einblínum við á að veita ríkulegan sveigjanleika, persónulega þjónustu og umfram allt besta mögulega hráefni,“ segir hann. Hvað varðar mötuneytin segir hann að fyrirtækið sérhæfi sig í þjónustu við stærri og smærri mötuneyti og er þjónustan löguð að þörfum og umsvifum hvers og eins. „Við vitum að mötuneyti treysta á gott hráefni og hagkvæmni. Því leggjum við áherslu á sveigjanleika og samkeppnishæfni ásamt því að rækta frábær viðskiptasambönd,“ segir Steinar.
Aðsetur skrifstofu og mötuneyta- og veitingastaðaþjónustu var fært í rúmgott húsnæði að Fiskislóð á Granda árið 2014. Þar hefur flökun og fiskvinnsla fyrirtækisins farið fram síðan 2013. „Nú er í bígerð að fara í enn stærra húsnæði í byrjun febrúar. Það er einnig á Fiskislóð á Granda svo hægt er að auka framleiðslu og þjónustu enn frekar,“ segir Steinar.
Hafið var stofnað árið 2006 og var fyrsta verslunin opnuð í Hlíðasmára Kópavogi. Árið 2013 var síðan opnuð önnur verslun í Spönginni í Grafarvogi þar sem velgengni verslunarinnar í Hlíðasmára var gífurleg. Þriðja verslunin var síðan opnuð í Skipholti 70, snemma vetrar 2015, þar sem fiskbúðin Hafrún var til húsa. „Þar var öllu sópað út og er nýja nýja búðin með sömu áherslur og kröfur og hinar tvær. Nágrannar hennar geta því gengið að því vísu að fá sömu gæði og þjónustu líkt og í hinum tveimur,“ segir Steinar. Opnunartími Hafsins er alla virka daga frá kl. 10.00 til 18.30.
Á facebook síðu Hafsins koma reglulega nýjar upplýsingar um ýmis sértilboð. Svo sem fiksréttur dagsins og tilboð vikunnar.
Frekari upplýsingar um fyrirtækið má sjá vefsíðunni www.hafid.is
