Það kom öllum á óvart þegar Rúnar Páll Sigmundsson sagði upp sem þjálfari Stjörnunnar í gær. Rúnar hafði stýrt Stjörnunni frá árinu 2013.

Hvorki Stjarnan né Rúnar vilja gefa upp hvað gekk á, tímasetningin kom verulega á óvart enda sagði Rúnar starfi sínu laus eftir einn leik á Íslandsmótinu.

„Segja má að það sé lang­ur tími miðað við það sem geng­ur og ger­ist í knatt­spyrnu­heim­in­um. Ástæður þess að Rún­ar tók þessa ákvörðun þekki ég ekki en heyrði á sam­töl­um við Garðbæ­inga í gær að ákvörðunin kom á óvart,“ skrifar Kristján Jónsson í Morgunblaðið í dag.

Kristján segir að tímapunktur uppsagnar Rúnars sé afar áhugaverður. „Tíma­setn­ing­in er at­hygl­is­verð því ein­ung­is einni um­ferð er lokið í Pepsí Max-deild­inni. Maður verður alltaf undr­andi þegar slík­ar breyt­ing­ar verða rétt í upp­hafi móts eft­ir langt und­ir­bún­ings­tíma­bil. En ástæðurn­ar geta verið mis­jafn­ar.“

Kristján tekur svo dæmi um menn sem hafa farið úr starfi á furðulegum tímapunkti. „Upp í hug­ann koma dæmi sem vöktu mikla at­hygli. Arn­ari Grét­ars­syni var sagt upp hjá Breiðabliki eft­ir tvo leiki árið 2017 og Marteini Geirs­syni hjá Fram eft­ir tvo leiki árið 1995. Breiðablik hafði tapað báðum en Fram hafði tapað og gert jafn­tefli.“