Leit Tottenham að nýjum knattspyrnustjóra virðist ganga erfiðlega en José Mourinho var rekinn frá félaginu í síðasta mánuði.

Brendan Rodgers, knattspyrnustjóri Leicester City, hefur verið orðaður við starfið en hann segist vilja halda áfram uppbyggingu sinni hjá Leicester og hefur neitað að hafa áhuga á knattspyrnustjóra stöðunni hjá Tottenham.

Julian Nagelsmann, knattspyrnustjóri RB Leipzig, hefur gert samning við Bayern Munchen og tekur við þýsku meisturunum eftir tímabilið.

Erik ten Hag, knattspyrnustjóri Ajax, var einnig orðaður við stöðuna en hann framlengdi á dögunum samning sinn við hollenska félagið.

Samkvæmt stuðlum SkyBet, er Brendan Rodgers, ennþá talinn líklegastur til þess að verða næsti knattspyrnustjóri Tottenham en hann hefur náð góðum árangri með Leicester City.

Næst á eftir honum er Ralf Ragnick sem hefur áður stýrt þýsku liðinum Hoffenheim og RB Leipzig með góðum árangri. Leikstíll hans vakti upp innblástur hjá Jurgen Klopp, knattspyrnustjóra Liverpool.

Scott Parker, knattspyrnustjóri Fulham er einnig nefndur til sögunnar. Undir stjórn Parker, komst Fulham upp í ensku úrvalsdeildina á síðasta tímabili en liðið situr nú í 18. sæti og er 9 stigum frá öruggu sæti í deildinni.

Nuno Espirito Santo, knattspyrnustjóri Wolves, gæti einnig tekið við stöðunni. Undir stjórn Nuno hefur Wolves fest sig í sessi sem úrvalsdeildarlið og hefur meðal annars spilað í Evrópukeppni undir hans stjórn. Það gæti freistað hans að taka næsta skref á ferlinum með Wolves.

Annað nafn sem hefur skotið upp kolli í þessari umræðu er Rafa Benítez, fyrrverandi knattspyrnustjóri liða á borð við Liverpool, Chelsea og Real Madrid. Benítez er nú án starfs eftir að hann yfirgaf kínverska félagið Dalian Professionals snemma á þessu ári. Benítez hefur mikla reynslu úr ensku úrvalsdeildinni sem og af stóra sviðinu í Evrópukeppnum.