Napoli tók á móti Inter í 31. umferð ítölsku deildarinnar í kvöld. Leikurinn endaði með 1-1 jafntefli liðanna.
Fyrsta mark leiksins kom á 36. mínútu þegar Handanovic varð fyrir því óláni að skora klaufalegt sjálfsmark. Inter héldu áfram að sækja eftir markið en inn vildi boltinn ekki. Napoli leiddu þá í hálfleik sem var nokkuð ósanngjarnt miðað við hvernig leikurinn spilaðist.
Eriksen jafnaði metin fyrir gestina snemma í seinni hálfleik með frábæru marki. Þar við sat og 1-1 jafntefli því niðurstaðan.
Napoli er í harðri baráttu um Meistaradeildarsæti, þeir eru í 5. sæti deildarinnar, tveimur stigum á eftir Juventus í 4. sætinu. Inter er í toppsæti deildarinnar, níu stigum á undan AC Milan.
Napoli 1 – 1 Inter
1-0 Handanovic OG (´36)
1-1 Eriksen (´55)
