Fótboltinn er kominn aftur af stað á Íslandi og liðin eru á fullu að klára undirbúning sinn fyrir Íslandsmótið.
Breiðablik sigraði Fylki 5:2 í æfingaleik á Kópavogsvelli í dag. Leikurinn var þó ekki hefðbundinn heldur var spilað 3 x 30 mín.
Fylkir komst yfir í leiknum eftir laglegt samspil Dags Dan sem er nýkominn til Fylkis úr atvinnumensku og Arnórs Borg sem kláraði færið vel. Árni Vill jafnaði leikinn stuttu síðar eftir góða stungusendingu Höskuldar. Jason kom Breiðablik yfir með góðu skoti í fjærhornið stuttu eftir jöfnunarmarkið. Staðan því 2:1 fyrir Blikum eftir fyrsta þriðjung.
Thomas Mikkelsen kom Blikum 3:1 og Gísli Eyjólfsson skoraði fjórða mark Blika stuttu síðar. Þar við sat í öðrum þriðjungi leiksins.
Í síðasta þriðjungi leiksins skoraði Alexander Helgi úr aukaspyrnu og kom Blikum í 5:1. Fylkismenn klóruðu svo í bakkann undir lokin með marki frá Arnóri Gauta.
Breiðablik 5 – 2 Fylkir
Markaskorarar Blika: Árni Vill, Jason Daði, Thomas Mikkelsen, Gísli Eyjólfs og Alexander Helgi
Markaskorarar Fylkis: Arnór Borg og Arnór Gauti.
ÍBV sigraði Hauka í æfingaleik á Ásvöllum sem hófst klukkan 12 í dag.
Haukar 1 – 2 ÍBV
0-1 Gary Martin (´13)
1-1 Gísli Þröstur Kristjánsson(´32)
1-2 Telmo Castanheira (´93)
