Atalanta tók á móti Juventus í 31. umferð ítölsku úrvalsdeildarinnar. Leiknum lauk með 1-0 sigri Atalanta. Juventus voru án stórstjörnunnar Cristiano Ronaldo í leiknum.
Fyrri hálfleikur var nokkuð opinn og skemmtilegur en hvorugt liðið náði þó að koma knettinum í netið. Það var ekki fyrr en á 88. mínútu leiksins sem Malinovskiy braut ísinn og kom heimamönnum yfir. Atalanta fengu hornspyrnu og boltinn lenti hjá Manilovskiy sem þrumaði honum í netið með viðkomu í Alex Sandro sem gerði það að verkum að Szczesny átti ekki möguleika.
Ekki voru fleiri mörk skoruð í leiknum og sigur Atalanta því staðreynd. Staðan í deildinni lítur því ekkert allt of vel út fyrir Juventus en þeir eru í 4. sæti deildarinnar, 12 stigum frá toppnum. Þá er Napoli, sem eiga leik til góða, aðeins þremur stigum á eftir meisturunum. Atalanta kom sér upp í 3. sætið með sigrinum
Atalanta 1 – 0 Juventus
1-0 Malinovskiy (´87)
Fjórum öðrum leikjum í Seria A er lokið og má úrslit þeirra sjá hér að neðan. Þess má geta að Andri Fannar Baldursson var í hóp hjá Bologna en var ónotaður varamaður:
Milan 2 – 1 Genoa
1-0 Rebic (´13)
1-1 Destro (´37)
2-1 Scamacca (´68)
Bologna 4 – 1 Spezia
1-0 Orsolini (´12)
2-0 Barrow (´18)
2-1 Ismajli (´34)
3-1 Svanberg (´54)
4-1 Svanberg (´60)
Lazio 5 – 3 Benevento
1-0 Depaoli OG (´10)
2-0 Immobile (´20)
3-0 Correa (´37)
3-1 Sau (´45)
4-1 Montipó OG (´48)
4-2 Viola (´63)
4-3 Glik (´85)
5-3 Immobile (´90+6)
