Kylian Mbappe sóknarmaður PSG hefur tekið ákvörðun um að fara frá Paris Saint-Germain. Frá þessu segja fjölmiðlar á Spáni.
Þar segir að Mbappe vilji fara til Real Madrid í sumar en ekki er útilokað að hann fari til Liverpool. Enska félagið hefur haft áhuga á Mbappe.
Mbappe er 22 ára gamall en hann er einn besti knattspyrnumaður í heimi, hann var magnaður gegn FC Bayern í Meistaradeildinni í vikunni.
Mbappe skoraði tvö mörk í leiknum en hann mun eiga ár eftir af samningi sínum við PSG. Hann hefur ekki viljað framlengja og gæti franska félagið neyðst til að selja hann í sumar.
Mbappe á sér þann draum að spila undir stjórn Zinedine Zidane hjá Real Madrid en óvíst er hvort spænska félagið eigi fjármuni í sumar til að kaupa hann.
