Hlutabréf í stórbönkunum Credit Suisse og Nomura Holding lækkuðu mikið í verði á mánudaginn þegar bankarnir tilkynntu að afkoma þeirra verði lakari en ráð var fyrir gert. Ástæðan er að vogunarsjóður gerði slæm og dýrkeypt mistök.

CNN skýrir frá þessu. Fram kemur að að hér sé um vogunarsjóðinn Achegos Capital Managements að ræða.

Hlutabréf í bönkunum lækkuðu um 16% í kjölfar tilkynningar þeirra og hlutabréf í stórbönkunum Goldman Sachs, Deutsche Bank og Morgan Stanley lækkuðu einnig mikið en þó ekki meira en 10%.

Bloomberg segir að Achegos Capital Management hafi á föstudaginn neyðst til að selja hlutabréf fyrir milljarða dollara til að mæta miklu tapi á stöðutökum í fjölda fyrirtækja. Á mánudaginn bárust síðan fréttir um að sjóðurinn gæti ekki staðið undir greiðslum af stöðutökum sínum.