Sergio Aguero, markahæsti leikmaðurinn í sögu Manchester City, mun yfirgefa félagið að loknu yfirstandandi tímabili. Þetta staðfestir Manchester City með færslu sem birtist í kvöld.
Samingur Aguero við Manchester City rennur út eftir tímabilið og ekki verður skrifað undir nýjan samning við leikmanninn.
Aguero gekk til liðs við Manchester City árið 2011 frá Atletico Madrid. Síðan þá hefur Aguero leikið 384 leiki fyrir félagið og skorað 257 mörk. Aguero hefur unnið fjóra Englandsmeistaratitla með félaginu og vonast til að bæta þeim fimmta við undir lok tímabils. Þá hefur hann orðið enskur bikarmeistari einu sinni.
Félagið tilkynnti einnig að stytta yrði reist af Aguero ásamt styttum af fyrrum leikmönnum félagsins, David Silva og Vincent Kompany.
„Framlag Aguero til Manchester City yfir síðastliðin tíu ár er ótrúlegt. Hann verður fastur punktur í minningum allra þeirra sem elska félagið og jafnvel í minningum þeirra sem elska fótbolta,“ var meðal þess sem Khaldoon Al Mubarak, stjórnarformaður Manchester City, lét hafa eftir sér í yfirlýsingu félagsins.
It’s going to be emotional… 💙
🔷 #ManCity | https://t.co/axa0klD5rehttps://t.co/4COpSpmz7a
— Manchester City (@ManCity) March 29, 2021
