Arnar Þór Viðarsson landsliðsþjálfari segir frá því í viðtal við Fótbolta.net að hann hafi ákveðið byrjunarlið sitt fyrir leikinn gegn Þýskalandi á morgun. Þar kemur fram að Jóhann Berg Guðmundsson kantmaður Burnley verði á bekknum, meira gefur Arnar Þór ekki upp.

Margir hafa velt vöngum yfir mögulegu byrjunarliði Íslands fyrir leikinn á morgun. Ef miðað er við ljósmyndir og myndefni af æfingum liðsins virðist Arnar Þór hafa fljótlega í vikunni verið með fastmótaðar hugmyndir um málið.

Af ljósmyndum sem birtar hafa verið virðast Birkir Már Sævarsson, Kári Árnason og Sverrir Ingi Ingason líklegir til þess að vera í vörninni. Spurning virðist vera með hvort Hörður Björgvin Magnússon eða Ari Freyr Skúlason verði í vinstri bakverðinum. Hannes Halldórsson ætti svo að standa í markinu.

Á miðsvæðinu stefnir allt í að Aron Einar Gunnarsson og Guðlaugur Victor Pálsson verði þar með Rúnari Sigurjónssyni. Arnar virðist hugsa Birkir Bjarnason sem kantmann, öllu meiri óvissa er um hver mun leika á hægri kantinum.

Þá virðist nokkuð öruggt að Jón Daði Böðvarsson verði í fremstu víglínu.

Líkleg byrjunarlið Íslands gegn Þýskalandi:
Hannes Þór Halldórsson

Birkir Már Sævarsson
Kári Árnason
Sverrir Ingi Ingason
Ari Freyr Skúlason

Arnór Ingvi Traustason
Aron Einar Gunnarsson
Rúnar Már Sigurjónsson
Guðlaugur Victor Pálsson
Birkir Bjarnason

Jón Daði Böðvarsson