Ísland mætir Ítalíu í vináttuleik í apríl og fer leikurinn fram ytra.
Liðin munu mætast þann 13. apríl og verður leikurinn sá fyrsti undir stjórn Þorsteins H. Halldórssonar. Fljótlega verður tilkynnt um leikstað.
Ísland og Ítalía hafa mæst fimm sinnum og hefur Ísland unnið einn af þeim leikjum, tveir hafa endað með jafntefli og tveir með sigri Ítalíu. Liðin mættust síðast árið 2007 á Algarve Cup og endaði sá leikur með 2-1 sigri Ítalíu. Margrét Lára Viðarsdóttir skoraði mark Íslands í leiknum.
