Fyrirsætan Ruby Mae er með skilaboð til Dele Alli miðjumanns Tottenham, nokkrar vikur eru síðan að Mae pakkaði í töskur og hætti með knattspyrnustjörnunni. Í gær birtust svo fréttir um að Dele væri mættur á stefnumótaforrit.
Alli er mættur á stefnumótaforritið Raya sem er einkar vinsælt á meðal ríka og fræga fólksins. Alli og Mae sem bæðu eru 24 ára gömul hafa verið saman síðustu ár, Mae er afar vinsæl fyrirsæta í Bretlandi á meðan Alli þénar vel sem knattspyrnumaður.
Ástæðan fyrir sambandsslitum þeirra er hins vegar hreint út sagt ótrúleg, Ruby Mae gekk á dyr eftir að hafa fengið sig fullsadda af því hversu miklum tíma Dele eyðir í tölvuleikjum.
Skömmu eftir að ensk blöð greindu frá því að Alli væri mættur inn á Raya forritið, fór Mae á Instagram og setti inn mynd af sér að gefa fingurinn.
Allir geta sótt um aðild að Raya en þangað komast aðeins örfáir inn, talað er um að aðeins átta prósent af þeim sem sækja um komist inn. Mál þess sem sækir um fer fyrir dómnefnd sem metur hvort aðilinn eigi heima þarna. Samkvæmt erlendum miðlum notar ríka og fræga fólkið Raya til að kynnast fólki.
