Starfsmaður KSÍ og fólk sem sat á þjálfaranámskeiði knattspyrnusambandsins um liðna helgi er komið í sóttkví. Einstaklingur smitaður af COVID-19 veirunni sat námskeiðið. Frá þessu er greint á Vísir.is.
Smitið var staðfest í gær og Klara Bjartmarz framkvæmdarstjóri KSÍ segir að sambandið hafi aðstoðað við smitrakningu.
Talsverður fjöldi af smitum greindist um helgina en þar á meðal var leikmaður Fylkis sem lék með liðinu gegn Stjörnunni á laugardag.
Óvíst er hversu margir hafa verið sendir í sóttkví eftir að smitið á námskeiði KSÍ. Sjö Íslendingar greindust með veiruna um helgina en fimm af þeim greindust í gær. ´
