Arnar Þór Viðarsson, Eiður Smári Guðjohnsen og Lars Lagerback hafa valið sinn fyrsta landsliðshóp. Þetta eru fyrstu leikir Íslands undir stjórn Arnars Þórs og eru þeir allir þrír liður í undankeppni HM 2022, en lokakeppnin fer fram í Katar.
Ísland mætir fyrst Þýskalandi, síðan Armeníu og endar svo á leik gegn Liechtenstein, en allir leikirnir fara fram ytra. Þess má geta að leikurinn gegn Þýskalandi verður leikur númer 500 hjá A karla.
Kolbeinn Sigþórsson framherji IFK Gautaborg er á sínum stað í hópnum og Kári Árnason sem fagnar 39 ára afmæli sínu á þessu ári er á sínum stað.
Fátt óvænt er í hópi Arnars Þórs en Alfons Sampsted kemur inn í hópinn úr U21 árs landsliðinu. Arnar velur 25 manna leikmannahóp.
Hólmbert Aron Friðjónsson framherji Brescia er í hópnum en Alfreð Finnbogason er fjarverandi vegna meiðsla. Þá er Viðar Örn Kjartansson ekki í hópnum.
Leikir Íslands í mars
Þýskaland – Ísland fimmtudaginn 25. mars á Schauinsland-Reisen Arena í Duisburg og hefst leikurinn kl. 19:45.
Armenía – Ísland sunnudaginn 28. mars á Vazgen Sargsyan Republican Stadium í Yerevan og hefst leikurinn kl. 16:00.
Liechtenstein – Ísland miðvikudaginn 31. mars á Rheinpark og hefst leikurinn kl. 18:45.
Hópurinn
Hannes Þór Halldórsson | Valur | 74 leikir
Ögmundur Kristinsson | Olympiacos | 17 leikir
Rúnar Alex Rúnarsson | Arsenal | 7 leikir
Birkir Már Sævarsson | Valur | 95 leikir, 2 mörk
Guðlaugur Victor Pálsson | Darmstadt | 23 leikir
Sverrir Ingi Ingason | PAOK | 36 leikir, 3 mörk
Ragnar Sigurðsson | Rukh Lviv | 97 leikir, 5 mörk
Alfons Sampsted | Bodö Glimt | 2 leikir
Ari Freyr Skúlason | KV Oostende | 77 leikir
Kári Árnason | Víkingur R. | 87 leikir, 6 mörk
Hörður Björgvin Magnússon | CSKA Moscow | 34 leikir, 2 mörk
Hólmar Örn Eyjólfsson | Rosenborg | 19 leikir, 2 mörk
Hjörtur Hermannsson | Bröndby | 18 leikir, 1 mark
Aron Einar Gunnarsson | Al Arabi | 91 leikur, 2 mörk
Birkir Bjarnason | Brescia | 92 leikir, 13 mörk
Rúnar Már Sigurjónsson | CFR Cluj | 30 leikir, 1 mark
Arnór Ingvi Traustason | New England Revolution | 37 leikir, 5 mörk
Gylfi Þór Sigurðsson | Everton | 78 leikir, 25 mörk
Jóhann Berg Guðmundsson | Burnley | 77 leikir, 8 mörk
Arnór Sigurðsson | CSKA Moscow | 11 leikir, 1 mark
Jón Daði Böðvarsson | Millwall | 55 leikir, 3 mörk
Kolbeinn Sigþórsson | IFK Göteborg | 60 leikir, 26 mörk
Albert Guðmundsson | AZ Alkmaar | 18 leikir, 3 mörk
Hólmbert Aron Friðjónsson | Brescia | 4 leikir, 2 mörk
Björn Bergmann Sigurðarson | Molde | 17 leikir, 1 mark
