Jaime Carragher var gestur í hlaðvarpi Robbie Fowler á dögunum. Þar ræddu þeir til dæmis möguleikann á því að Carragher færi yfir í þjálfun.

Hann segir að það sé ólíklegt að snúi sér að þjálfun en síðan hann hætti að spila fótbolta hefur hann starfað sem sérfræðingur hjá Sky Sports. Þar sést hann oftar en ekki með gömlum fjanda, Gary Neville.

Gary Neville reyndi fyrir sér í þjálfun árið 2015 þegar hann tók við Valencia í spænsku úrvalsdeildinni. Dvöl hans þar var algjör martröð og var honum sagt upp eftir aðeins sex mánuði í starfinu.

Carragher vill meina að enginn klúbbur vilji ráða sérfræðing frá Sky Sports í þjálfun eftir gengi Neville á Spáni.

„Það eina góða við ferð hans til Spánar er að ef ég fer einhvern tímann í þjálfun þá get ég ekki staðið mig verr en hann. Ég get bara gert betur en ég held að hann hafi drepið alla von um að sérfræðingur frá Sky Sport starfi við þjálfun aftur,“ sagði Carragher.