Netverslun hefur undanfarið aukist afar mikið. Fólk hefur lengi notað netið til að versla en með kórónuveirufaraldrinum varð það enn algengara. Með aukinni netverslun koma líka önnur vandamál, eins og að komast að því að það sem var keypt passar ekki.
Það er einmitt það sem kom fyrir hina áströlsku Kelly McCerren en hún deildi myndum af samfesting sem hún keypti á samfélagsmiðlinum Instagram. „Ég hélt ég væri að kaupa virkilega sætan, sumarlegan samfesting með engu baki,“ skrifaði Kelly með myndunum á Instagram en hún bjóst ekki við því sem hún fékk síðan sent. The Sun vakti athygli á málinu.
Kelly birti myndband þar sem hún sýndi fylgjendum sínum við hverju hún hafði búist og svo sýndi hún samfestinginn á sér. Þegar hún sýndi bakhliðina kom í ljós hvað væri að. Bakhlið samfestingsins hékk of lágt og því sást í rassinn hennar. Kelly sagði ekki frá hvaða netverslun hún keypti kjólinn en marga fylgjendur hennar grunar að hún hafi verslað á Wish.com.
Fylgjendur Kelly voru duglegir að birta sínar skoðanir á samfestingnum í athugasemdum við færsluna. Einhverjir reyndu að koma með lausn fyrir hana. „Vertu bara í G-streng sem glitrar og þá verður þetta flott,“ skrifaði til að mynda einn fylgjandinn.
Instagram-færslu Kelly má sjá hér fyrir neðan:
View this post on Instagram
