Joey Barton fyrrum leikmaður Newcastle, Marseille og Queens Park Ranger og núverandi þjálfari Fleetwood fór ekki fögrum orðum um N’golo Kante miðjumann Chelsea í hlaðvarpinu The Robbie Fowler podcast á dögunum.

Barton sem er líklegast einn umdeildasti leikmaður til þess að stíga á fótboltavöll í ensku úrvalsdeildinni en kappinn var sífellt að koma sér í vandræði og var yfirleitt með einhvers konar leiðindi talar um að gæðin í ensku úrvalsdeildinni hafa ekki hækkað heldur lækkað með árunum og segir Kante ekki vera nálægt þeim gæðum sem að mátti finna í deildinni um þúsaldarmótin.

„Hann er af mörgum talinn besti miðjumaður deildarinnar en hann hefði ekki enst í eina mínútu á móti þeim sem voru bestir um árið 2000 til 2010 ég er þá að tala um leikmenn á borð við Roy Keane, Steven Gerrard, Frank Lampard, Paul Scholes og Patrick Viera, það voru allt leikmenn sem voru 190 sentímetrar háar vélar og þeir tala um Kante sem frábæran leikmann ég hef keppt á móti þeim öllum hann er ekki nálægt neinum af þeim“ segir Barton um Kante.

Það er ansi stórt til orða tekið að segja að Kante eigi ekki heima í hóp þeirra bestu en kappinn hefur unnið deildina með Chelsea og Leicester og verið einn af þeirra bestu mönnum.