Ole Gunnar Solskjær stjóri Manchester United hefur vakið athygli fyrir hjartnæmt bréf sem hann skrifar einum stuðningsmanni félagsins.
Ryan nokkur vatki athygli í útvarpsviðtali á dögunum þar sem hann ræddi um þunglyndi sitt. „Ég hef ot átt mjög erfitt og hugleitt sjálfsvíg,“ sagði Ryan.
Hann segir að Manchester United og Ole Gunnar Solskjær hafi hjálpað sér í baráttunni. „Manchester United hefur hjálpað mér að snúa blaðinu við, ég vakna og veit af United leik og það gefur mér gleði. Ole Gunnar Solskjær hefur gefið mér kraft, ég trúi á hann.“
“I’ve struggled for a long time with my mental health & suicidal thoughts.”
“Man United have helped me turn my life around. I’m so proud & happy.”
“Ole Gunnar Solskjaer’s given me so much courage, I believed in him.”
A brilliant, brave call from a #MUFC fan 👏 pic.twitter.com/2eqClJBHI7
— talkSPORT (@talkSPORT) January 21, 2021
Solskjær fékk veður af þessu og skrifaði Ryan bréf sem hann er ævinlega þakklátur fyrir. Í bréfinu segir. „Ég vildi skrifa þér smá og segja þér hversu glaður ég er að heyra að þér líði vel,“ skrifar Solskjær í bréfi sínu.
„Þetta eru furðulegir tímar og ég veit að það er erfitt fyrir marga. Ég var glaður að heyra að þú sért á batavegi.“
„Um leið og lífið verður eðlilegt aftur vil ég bjóða þér á leik eða á æfingu hjá okkur. Á meðan vona ég þú haldi áfram á sömu leið og við gerum okkar besta innan vallar.·
