Una Guðmunds er hér með frábæra leið til að halda pítsum á heimilismatseðlinum þó að ætlunin sé að borða hollari mat.

„Ég er virkilega hrifin af þessum tortillapítsum, finnst þær léttari en venjulegar pítsur og svo tekur enga stund að útbúa þær. Hægt er að setja hvað sem er á þær og jafnvel nýta afganga svo sem kaldan kjúkling eða afgangs grænmeti og osta. Hérna kemur hugmynd að góðri samsetningu.“

 

Tortillakökur – helst heilhveiti
Rifinn ostur
Ferskt pestó / eða pítsusósa
Klettasalat
Furuhnetur
Parmesanostur

Byrjið á stilla ofninn á 200 gráður
Setjið pestó eða pítsusósu á tortillaköku ásamt rifnum osti og inn í ofn í 4 mínútur.

Á meðan tortillakökurnar eru í ofninum er gott að léttrista furu-hneturnar á pönnu við vægan hita.
Takið tortillakökurnar út úr ofninum, setjið klettasalat, furuhnetur og rífið parmesan ost yfir.