Nú líkt og áður eru margar sögusagnir á kreiki um málefni leikmanna og félaga í knattspyrnuheiminum. Hér verður snert á því helsta sem er að frétta úr slúðurheimi knattspyrnunnar.

Tottenham hefur ekki hafið viðræður við framherja sinn Heung Min Son um nýjan samning. José Mourinho knattspyrnustjóri liðsins telur að félagið sé að bíða eftir rétta tækifærinu til þess að hefja viðræður en Covid-19 hefur haft mikil áhrif á fjárhag félagsins. Samningur Son við Tottenham rennur út árið 2023. – Evening Standard

Talið er að Jadon Sancho, leikmaður Borussia Dortmund yfirgefi félagið í sumar. Manchester United er talinn líklegasti áfangastaðurinn. – DailyMirror

Það mun enn og aftur reynast erfitt fyrir Crystal Palace að halda í kantmann sinn Wilfried Zaha sem er undir smásjá stórra liða í Evrópu. Hingað til hefur félaginu tekist að halda í leikmanninn en draumur Zaha um að spila í Meistaradeild Evrópu er farinn að toga í hann – Mail

Kylian Mbappe gæti verið áfram hjá Paris-Saint Germain eftir tímabilið þrátt fyrir áhuga frá Liverpool og Real Madrid. – Talksport

Marc Overmars, er orðaður við stöðu yfirmanns knattspyrnumála hjá sínum fyrrum félögum, Arsenal og Barcelona. Overmars er nú yfirmaður knattspyrnumála hjá hollenska liðinu Ajax. – Mundo Deportivo