Í gær voru 63 ár liðin frá flugslysinu hræðilega í Munchen sem tók líf 23 einstaklinga, þar á meðal átta leikmenn Manchester United.
Fernandinho, leikmaður Manchester City, var sakaðar um að gera grín að atburðinum með innleggi sem hann birti á samfélagsmiðlum í gær af sér fagna marki á æfingu.
Í innlegginu með myndunum setti hann inn nokkur tákn (e. emojis). Sprengingu, bolta, flugvél og hláturkall. Innleggið reitti marga til reiði en ætla má að um afar óheppilega tímasetningu sé að ræða á innlegginu og að Fernandinho hafi ekki verið að meina neitt illt með þessu.
Bæði Manchester City og Manchester United hafa neitað að tjá sig um atvikið við fjölmiðla ytra en Fernandinho hefur nú eytt innlegginu af samfélagsmiðlum.
