Emile Smith Rowe, hefur heldur betur komið inn af krafti í lið Arsenal á þessu tímabili. Eftir erfiða byrjun á tímabilinu hjá Arsenal, leitaði Mikel Arteta, til ungra leikmanna liðsins í von um að sækja betri úrslit.
Leikmenn á borð við Smith Rowe, Gabriel Martinelli og Bukayo Saka, svöruðu kallinu og Arsenal fór að sækja úrslit.
Smith Rowe, viðurkennir að vera hjátrúarfullur fyrir leiki. Glöggir knattspyrnuáhugamenn hafa eflaust tekið eftir því að hann hefur sokkana ansi lágt niðri á meðan leik stendur.
„Ég vill vera frjáls í huganum. Það er eitt sem ég geri, ég hef sokkana lágt niðri, mér finnst eins og það gefi mér frelsi. Ég veit ekki afhverju, þetta er bara hjátrú,“ sagði Emile Smith Rowe í viðtali sem birtist á YouTube rás Arsenal.
Emile Smith Rowe hefur spilað átta leiki með Arsenal í ensku úrvalsdeildinni á tímabilinu, hann hefur gefið þrjár stoðsendingar í þeim leikjum.
