Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Þú ert á spennandi tímamótum í lífinu. Þú finnur það kannski ekki í augnablikinu en þú ert að taka skrefin í áttina að einhverju ótrúlega spennandi. Þú sérð hlutina frá öðru sjónarhorni sem víkkar sjóndeildarhringinn þinn, þar leynast tækifærin.
Naut
20. apríl–20. maí
Hannaðu þitt eigið líf, er mottó vikunnar. Þú hugsar með sjálfu þér hvar og hvernig þú vilt gera breytingar í lífi þínu til að bæði auðvelda það og sinna því best sem þér finnst skemmtilegt að gera og sem veitir þér ánægju í lífinu.
Tvíburar
21. maí–21. júní
Ég segi þetta gjarnan við fimm ára son minn en að þessu sinni segjum við það við þig, notaðu orðin þín! Ef þér finnst þú vera eitthvað misskilinn þá mælum við með að þú æfir þig að opna þig og ræða málin við vin eða jafnvel sálfræðing.
Krabbi
22. júní–22. júlí
Fjármálin eru þér ofarlega í huga. Þú ert á réttri braut, loksins að finna aftur fyrir fjárhagslegu öryggi sem hvetur þig til að gera enn betur í þeim málum. Nýtt starf eða aukin vinna er í kortunum hjá þér.
Ljón
23. júlí–22. ágúst
Elsku skínandi Ljón. Maður þarf að setja upp sólgleraugun því það skín svo bjart í kringum þig og það er nú mikið sagt í janúarmánuði en það er einhver djúp breyting innra með þér, þú ert hamingjusamt nákvæmlega þar sem þú ert.
Meyja
23. ágúst–22 .sept
Stundum þarf maður að láta í sér heyra og jafnvel hækka róminn til þess að aðrir sjái mann og heyri. Nokkuð góð vika fram undan en henni fylgir áskorun um að standa með sjálfri þér. Þú munt verða stolt af þér eftir á.
Vog
23. sept–22. okt
Þú ert tilfinningavera sem finnur mikið fyrir veðrinu og þegar það er lægð þá reynir aðeins á Vogina. Hún á erfitt með að vakna og finna metnaðinn sinn. Þú tekur smá skref í réttu áttina þessa vikuna. Hressandi göngutúrar munu bæta og kæta.
Sporðdreki
23. okt–21. nóv
Erfiðar ákvarðanir sem tengjast vinnumálum koma upp hjá þér. Þú ert samt svo mikill „business“ nagli að þú ferð rétt að málum og gerir það sem þú þarft að gera til þess að láta allt ganga upp.
Bogmaður
22. nóv–21. des
Það fá allir öðru hverju snögga og mikla löngun til þess að endurskapa sig. Þessi hvatvísi og orka gæti endað í áhugaverðri klippingu, skrítnum fatakaupum eða öðru skemmtilegu flippi. Við fylgjumst spennt með Bogmanninum þessa dagana.
Steingeit
22. des–19. janúar
„Ring, ring. Hæ þetta er árið 1980 við viljum fá fötin okkar til baka.“ Bara grín. Við dáumst að því hvað þú ert með einstakan stíl. Þessa vikuna nýtur þú þín í þínu sanna sjálfi og sýnir öllum hvað í þér býr og gerir það í einhverju geggjuðu „outfitti“.
Vatnsberi
20. janúar–18. febrúar
Þér leiðist smá og þú þarfnast tilbreytingar. Finndu hana í litlu hlutunum, til dæmis með því að fara á annað kaffihús en venjulega eða hitta fólk sem þú hefur ekki séð lengi. Brjóttu rútínuna þína aðeins upp og þér mun strax líða betur.
Fiskar
19. febrúar–20. mars
Elsku Fiskur. Yfirnáttúrlegir hlutir eru að gerast hjá Fiskunum og þú spyrð þig hvort þú sért nokkuð að missa vitið. Skrítnir draumar og/eða skilaboð að handan. Hvað er verið að reyna að segja þér? Gefðu þér tíma til þess að taka v
