Þremur leikjum lauk í kvöld í ensku úrvalsdeildinni. Manchester United mistókst að endurheimta toppsæti deildarinnar og tapaði óvænt fyrir Sheffield United. Þá gerði Everton jafntefli við Leicester, Brighton og Fulham skildu einnig jöfn.
Manchester United tók á móti Sheffield United á Old Trafford.
Kean Bryan kom Sheffield United yfir með marki á 23. mínútu eftir stoðsendingu frá John Fleck.
Harry Maguire, jafnaði leikinn fyrir Manchester United með marki á 64. mínútu eftir stoðsendingu frá Alex Telles.
Leikmenn Sheffield United neituðu hins vegar að leggja árar í bát. Oliver Burke tryggði liðinu sigur með marki á 74. mínútu eftir stoðsendingu frá John Lundstram.
Heldur betur óvæntur sigur Sheffield sem er eftir leikinn í neðsta sæti deildarinnar með 8 stig. Manchester United er í 2. sæti með 40 stig.
Everton tók á móti Sheffield United á Goodison Park. Gylfi Þór Sigurðsson var á meðal varamanna Everton en kom inn á 85. mínútu. Leikurinn endaði með 1-1 jafntefli
James Rodriguez kom Everton yfir með marki á 30. mínútu. Þannig stóðu leikar allt þar til á 67. mínútu þegar að Youri Tielemans jafnaði leikinn fyrir Leicester City.
Fleiri mörk voru ekki skoruð í leiknum. Leicester er í 3. sæti deildarinnar með 39 stig, Everton er í 7. sæti með 33 stig.
Brighton tók á móti Fulham á heimavelli sínum AMEX Stadium. Leikurinn endaði með markalausu jafntefli sem gerir lítið fyrir bæði lið. Brighton er í 17. sæti með 18 stig. Fulham er í 18. sæti með 13 stig.
Manchester United 1 – 2 Sheffield United
0-1 Kean Bryan (’23)
1-1 Harry Maguire (’64)
1-2 Oliver Burke (’74)
Everton 1 – 1 Leicester City
1-0 James Rodríguez (’30)
1-1 Youri Tielemans (’67)
Brighton 0 – 0 Fulham
