Það er talið næsta víst að Chelsea muni ráða Thomas Tuchel til starfa, Frank Lampard verður síðar í dag rekinn úr starfi sínu sem þjálfari Chelsea.

Tuchel var rekinn frá PSG í desember en hann var áður þjálfari Borussia Dortmund.

Fjöldi blaðamanna í Englandi og Þýskalandi segir frá því að Chelsea hafi verið í viðræðum við Tuchel síðustu daga um að taka starfið að sér.

Gengi Chelsea síðustu vikur hefur verið slakt og hefur Roman Abramovich, eigandi Chelsea tekið ákvörðun um að reka Lampard úr starfi.

Chelsea situr í níunda sæti ensku úrvalsdeildarinnar, ellefu stigum á eftir toppliði Manchester United.

Roman Abramovich lét Lampard fá 200 milljónir punda í leikmannakaup í sumar en árangurinn fylgir ekki með, eigandi Chelsea er ekki þekktur fyrir mikla þolinmæði gagnvart stjórum sínum.

Vonir standa til um að Tuchel geti fengið það besta úr Kai Haverts og Timo Werner sem komu til Chelsea frá Þýskalandi í sumar, Lampard hefur mistekist að ná því besta fram úr þeim.