fbpx
Laugardagur 05.apríl 2025
Pressan

Tjáði sig um árásina á þinghúsið – „Ég held að fólki bregði“

Kristján Kristjánsson
Fimmtudaginn 14. janúar 2021 05:06

Stuðningsmenn Donald Trump réðust á þinghúsið 6. janúar 2021. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandarísk yfirvöld rannsaka nú árásina á þinghúsið í Washington í síðustu viku af miklum krafti. Við þinghúsið fundust sprengjur, táragasi var beitt gegn lögreglumönnum og múgur réðst inn í þinghúsið. Fimm létust í árásinni, þar af einn lögreglumaður. Steven D‘Antuono, yfirmaður alríkislögreglunnar FBI í Wahsington D.C. og Michael Sherwin, ríkissaksóknari, segja að árásin hafi verið svo hræðileg að lögreglan hafi nánast aldrei séð neitt þessu líkt.

Þeir héldu fréttamannafund á þriðjudagskvöldið og ræddu um rannsókn málsins. Frá því að árásin var gerð hafa FBI og ríkissaksóknarinn hafið rannsókn á tengslum 170 manns við árásina og 70 hafa þegar verið ákærðir. Lögreglan hefur fengið rúmlega 100.000 vísbendingar, ljósmyndir og myndbandsupptökur frá almenningi. En allt þetta er bara upphafið á rannsókninni.

„Ég held að umfang þessarar rannsóknar sé fordæmalaust, ekki bara í sögu FBI, heldur einnig í sögu dómsmálaráðuneytisins,“ sagði Sherwin.

Fram kom að þinghúsið og nánast allt svæðið í kringum það sé hluti af brotavettvanginum. Rannsókninni lýkur ekki á næstunni og munu margir mánuðir líða þar til henni verður lokið.

Sherwin sagði að um mörg brot væri að ræða sem væru til rannsóknar, allt frá póstþjófnaði, árásum á lögreglumenn, þjófnaði á ríkisleyndarmálum til morða og manndrápa. „Þetta nær yfir óskiljanlega margt,“ sagði Sherwin.

FBI er nú að rannsaka mörg mál er tengjast samsæri og hvatningu til uppreisnar. Allt að 20 ára fangelsi liggur við slíkum brotum. „Ég held að fólki bregði yfir því sem gerðist þarna inni,“ sagði Sherwin um atburðina í þinghúsinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Afhjúpa sannleikann um hvernig Trump reiknaði út tollana og það hefur ekkert að gera með raunverulega tolla annarra þjóða

Afhjúpa sannleikann um hvernig Trump reiknaði út tollana og það hefur ekkert að gera með raunverulega tolla annarra þjóða
Pressan
Í gær

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“
Pressan
Fyrir 2 dögum

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Fyrir 2 dögum

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 3 dögum

Gómaði Teslu-skemmdarvarg og lét hann heyra það – Sjáðu myndbandið

Gómaði Teslu-skemmdarvarg og lét hann heyra það – Sjáðu myndbandið
Pressan
Fyrir 3 dögum

Varpa upp skýrari mynd af arkitekt dauðans – „Við kölluðum hann „Elsku Rex““

Varpa upp skýrari mynd af arkitekt dauðans – „Við kölluðum hann „Elsku Rex““
Pressan
Fyrir 4 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 4 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift