fbpx
Miðvikudagur 19.febrúar 2025
Fréttir

Saka fjölmiðla um lygar í umfjöllun um flugeldahreinsun

Ágúst Borgþór Sverrisson
Þriðjudaginn 5. janúar 2021 20:07

Mynd: Facebook

Ekki missa af Helstu tíðindum dagsins í pósthólfið þitt

Lesa nánar

Samtökin Sea Shepard segjast hafa verið sniðgengin í umfjöllun RÚV og Morgunblaðsins þar sem sagt er frá hreinsun á flugeldaúrgangi sem átti sér stað þann 3. janúar.

„Þetta er annað árið í röð sem við stöndum fyrir slíkri hreinsun í samstarfi við félaga okkar frá SEEDS. Hins vegar voru aðeins SEEDS sjálfboðaliðar nefndir í fréttunum. Við teljum að ákvörðun um að sleppa að nafngreina eða viðurkenna Sea Shepherd hafi vísvitandi verið gert, þar sem fjölmiðlar fréttu af atburðinum í gegnum samfélagsmiðla okkar,“ segir í fréttatilkynningu sem samtökin hafa sent frá sér.

Samtökin segjast ekki standa fyrir slíkum hreinsunum til að fá hrós eða viðurkenningu frá samfélaginu en þeim þyki hart að þau séu sniðgengin þegar á annað borð sé verið að fjalla um slíkt. Telja þau að það hafi ekki verið mistök umræddra fjölmiðla að greina ekki frá þeirra þætti í hreinsuninni heldur sé þessi hunsun dæmi um fordóma sem samtökin verði fyrir. Í fréttatilkynningunni segir:

„Við erum þakklát og stolt af samstarfi okkar við SEEDS, þau eru með þeim duglegustu sjálfboðaliðum sem við þekkjum og með ótrúlegan liðsanda. Atburðurinn var þó Sea Shepherd framtak (bæði árið 2021 og árið 2020) og sameiginlegt átak. SEEDS komu með sendibílinn sinn, við komum með endurvinnslutunnur okkar og búnað, við sameinuðum sjálfboðaliða okkar og gerðum þetta saman.

Sjálfboðaliðar Sea Shepherd á Íslandi hafa orðið fyrir ýmsum örsóknum og fordómum frá því að Íslandsdeild samtakanna var stofnuð, en okkur finnst þessi falsfréttaflutningur hinn virðingarlausasti: Er talið að sjálfboðaliðar Sea Shepherd séu bara útlendingar sem hvorki lesa né horfa á íslenskar fréttir þannig að þetta kæmist aldrei upp? Eða er ásættanlegt að flytja falsfréttir um vinnu okkar?

Augljóslega framkvæmum við ekki þessar hreinsanir vegna þess að við séum að leitast eftir hrósi eða viðurkenningu frá samfélaginu. Við gerum þetta einfaldlega vegna þess að það er nauðsynleg vinna. Okkur hefði verið sama ef engin grein hefði komið frá fjölmiðlum um störf okkar, en að taka upp söguna og velja síðan að ljúga í umfjöllun um hana er óásættanlegt.“

Sjá einnig Facebook-síðu Shea Shepherd

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 12 klukkutímum

Síbrotamaðurinn Guðfinnur sakfelldur fyrir nauðganir

Síbrotamaðurinn Guðfinnur sakfelldur fyrir nauðganir
Fréttir
Fyrir 12 klukkutímum

Takmarkanir settar á útlitsbreytandi meðferðir með fylliefnum

Takmarkanir settar á útlitsbreytandi meðferðir með fylliefnum
Fréttir
Fyrir 17 klukkutímum

Myndband sýnir augnablikið þegar flugvél Delta brotlenti – Ótrúlegt að allir hafi lifað slysið af

Myndband sýnir augnablikið þegar flugvél Delta brotlenti – Ótrúlegt að allir hafi lifað slysið af
Fréttir
Fyrir 18 klukkutímum

Segir að Pútín gleðjist yfir taktík Trump

Segir að Pútín gleðjist yfir taktík Trump
Fréttir
Í gær

Ljóst að ákvarðanir voru teknar að illa ígrunduðu máli – „Það er hagfræði andskotans og bakreikningurinn verður þungur“

Ljóst að ákvarðanir voru teknar að illa ígrunduðu máli – „Það er hagfræði andskotans og bakreikningurinn verður þungur“
Fréttir
Í gær

Vilja fund með lögreglustjóra vegna fimm ára tafa á kæru ÁTVR – „Hvað í ósköpunum geti skýrt þessa ótrúlegu töf“

Vilja fund með lögreglustjóra vegna fimm ára tafa á kæru ÁTVR – „Hvað í ósköpunum geti skýrt þessa ótrúlegu töf“